Turo Raapoto

O Turo a Raapoto, ua fānauhia o ia i te 16 no māti matahiti 1948 (tauatini e iva hānere e maha àhuru mā vaù) i te fenua ra no Raìātea, i te pae Hiti Raro. Ua mate o ia i te 7 no mē matahiti 2014 (piti tauatini e àhuru mā maha), i roto i to na 66 raa o to na matahiti, i te fenua no Raìātea, i te pae Hiti Raro.

Turo Raapoto
Raapoto i te matahiti 2014
Taiò mahana fānauraa	16 no māti, matahiti 1948
Vāhi fānauraa	Raìātea, Hiti Raro
Taiò mahana poheraa	7 no mē, matahiti 2014
Vāhi poheraa	Tevaitoà, Raìātea, Hiti Raro
Tiàraa pātireia	Farāni
Fenua nohoraa	Māòhi Nui - Pōrīnetia farāni
Òhipa	Taata ihi reo, Òrometua haapii i te reo māòhi, Rautī parau Atua a Ètārētia Porotetani Māòhi, Taata Poritita.
Fētii	Samuel Raapoto (to na metua tāne) Jean-Marius Raapoto (to na taeaè)

E taata faaroo, e rautī parau Atua nā te Ètārētia Porotetani Māòhi, e taata ìhi reo, e òrometua haapii i te reo māòhi, e taata pāpaì puta e, e taata pāpaì pehepehe atoà. E tamaiti nā te òrometua ra o Tāmuera a Raapoto e, e hoa rahi atoà no Henri a Hiro.

E taata tuiroo e, e taata tiàraa hanahana i Māòhi Nui nei. Pou paarii no te reo māòhi, te hiroà e, e te iho tumu māòhi, o ta na ia i haa tutu âau i roto i te roaraa o to na oraraa.

Ua patu mai o na i te tahi huru pāpaìraa i te reo māòhi, taaê noa atu i ta te Fare Vāna'a. Parauhia taua pāpaì, te pāpaìraa a Turo a Raapoto aore ra te pāpaìraa a te Ètārētia Porotetani Māòhi. Ua ravehia taua huru pāpaìraa e te Haè Tuhuka Èo Ènana/Faè Tuhuna Èo Ènata (Accadémie marquisienne), i te matahiti 2001(piti tauatini e hoê) no tē pāpaì i te èo ènana / ènata.

Te mau puta :

Rave rahi mau puta o ta na i fatu :

● TE REO, TE PARAU E TE PĀPAÌ - Tāmahanahia i te 2002, i Tāhiti.

● Haapii : Te èà e tae atu ai i te ìte - Tāmahanahia i te 2001 i te marama no âtopa, i Ârue.

● Tīreo, puta pehepehe.

● Te moana taui raì, hurihia teie puta ei reo māòhi e Turo a Raapoto.

● TE ÔPŪ TAMARII - Tāmahanahia i te 1998.

● Te tahi tau fāpura.

● Te pinaìnaì o te âau - Tāmahanahia i te 1990.

E hiò atoà :

- Ètārētia Porotetani Māòhi (Église Protestante Māòhi)

- Tamuera a Raapoto (Samuel Raapoto)

- Fare Hapiiraa tuarua Tamuera a Raapoto

- Henri a Hiro

- Te reo tahiti

Parau paari :

- " Te reo, e fauraò no te ìte e te paari o te tahi nūnaa. "

- " Qui suis-je ? Rien, pas encore, demain peut-être. Non l'état civil ne me suffit plus, j'ai besoin d'une autre dimension. Mon nom s'écrit avec les lettres de l'alphabet latin, mais ma vie s'écrira avec mon souffle et le souffre de tous ceux qui manque d'être. On me dit Tahitien, mais je refuse... Cette dénomination a essentiellement une vocation démagogique, touristique... Je suis Māòhi. C'est le programme de ma vie. "