Utilisateur:Avatea/sandbox

Ua hāmanihia ʼo Matilda i Farāni e ua ʼāvarihia i te matahiti 1779. Ua riro ʼoia i te hōʼē pahī tāiʼa tohorā (fr) nō te hōʼē taiete Peretāne Camden, Calvert and King (en), na te tāpena ʼo Matthew Weatherhead i raʼatira i taua pahī ra. Ua fano atu rātou i te fenua New South Wales (fr) e i roto i te moana Pātitifā i te matahiti 1790.

Te parau

Ua tāpaʼohia teie pahī e to na tāpena Weatherhead i roto i te hōʼē puta rahi Lloyd's Register (en) i te matahiti 1791, e ʼo Calvert & Co. na fatu pahī, e nō te tapihoʼoraʼa i roto pū ia Ronetona (fr) e ʼo Botany Bay (fr). Tei reira matahiti, ua tārahuhia ʼoia na Samuel Enderby & Sons (en) nō te utaraʼa i te mau mauʼāuri mai Peretāne (fr) haere atu i Auterāria i roto i te faʼanahoraa ʼo te meu ʼauono (en).

Ua faʼaruʼe ʼoia i Porthsmouth (fr) i te 20 nō Māti 1791 e ua tāpae i te mahana mātāmua nō ʼĀtete i Port Jackson (fr) i te fenua ra ʼo New South Wales. Ua faʼa uta ʼoia e 250 taʼata faʼautuʼahia e ua faʼaruʼe mai 21 taʼata i roto i to rātou tere. Ua tīaʼihia teie mau mauʼāuri na te ʼahuru ma iva faʼehau e te tahi mau taʼata maʼitihia nō te reira ohipa nō New South Wales Corps (en). Ua tātāʼihia teie pahī i te tāpaearaʼa tu i Port Jackson.

Te vaihoraʼa atu rātou teie mau mauʼāuri, ua faʼariro tura Wheaterhead teie pahī Matilda e pahī tāiʼa tohorā (fr) i tua i te fenua ra ʼo Van Diemen's Land (fr). Te mau haʼamaramaraʼa no roto mai te mau papaʼi o te fare ʼupu nō New South Wales : ua fano atu Matilda i te fenua Initia i te ʼāvaʼe Novema. Ua fano atu paha ʼona i te fenua Matuita ma.

Te moʼeraʼa

Suzanne Bambridge (fr), hōhoʼa teie no te hina tamāhine ʼo James O'Connor, pēnihia e Paul Gauguin (fr) i te matahiti 1891.

Ua iri ʼo Matilda i nia i te hōʼē motu one i te 27 nō fepuare 1792, ua piʼihia teie motu ʼo Matilda. (ʼo Frederick Beechey (fr) nō HMS Blossom (en) tei ite te toeʼa ʼo taua pahī ra, e ua haʼapāpū ʼoia te motu ʼo Matilda ʼo Moruroa ia.)

E 21 taʼata horopahī e hōʼē horopātete tāponi ʼo te faʼaorahia mai. Ua faʼaora mai ʼo tāpena William Bligh (fr), i nia i te HMS Providence (fr) te tahi mau taʼata i roto i te oʼoʼa ʼo Matavai (fr), e ua faʼaʼoramai ʼo Jenny e ʼo Britannia (en) te toeʼa ʼo te mau taʼata. E ono taʼata (ʼo James O'Connor, ʼo James Butcher, ʼo John Williams, ʼo William Yaty, ʼo Andrew Cornelius Lind e ʼo Samuel Pollend) tei pātoʼi te parau faʼahoʼiraʼa i te fenua Peretāne e ua hinaʼaro rātou e faʼaea i Tahiti.

Voir aussi

Bibliographie

• (en) Charles Bateson, The Convict Ships, 1787-1868, Brown, Son & Ferguson, 1985 (ISBN 978-0-85174-195-6)
• (en) William Bligh et Ida Lee, Captain Bligh's Second Voyage to the South Sea, Andesite Press, 2015 (ISBN 978-1-296-80333-9, lire en ligne)
• (en) Jane M. Clayton, Ships employed in the South Sea Whale Fishery from Britain: 1775-1815: An alphabetical list of ships, Berforts Group, 2014 (ISBN 978-1-908616-52-4)
• (en) Andrew David, William Robert Broughton's Voyage of Discovery to the North Pacific 1795-1798, Routledge, 2016 (ISBN 978-1-134-76750-2, lire en ligne)
• Ghislain Houzel, « Le naufrage de la Matilda à Moruroa en 1792 », Tahiti-Pacifique, n^o 179,‎ 2006, p. 15-18
• (en) Robert Langdon, Tahiti. Island of Love, Sydney, Pacific Publications, 1968 (ISBN 978-0-85807-043-1)
• (en) Max Quanchi, Historical Dictionary of the Discovery and Exploration of the Pacific Islands, The Scarecrow Press, 2005 (ISBN 978-0-8108-5395-9)
• Laura Schuft, Couples ‘métropolitain’ – ‘polynésien’ à Tahiti. Enjeux de l’ethnicité, du genre et du statut socioéconomique dans un contexte postcolonial, Université Nice-Sophia-Antipolis, 2010, 108 p. (lire en ligne)
• (en) George Vancouver et John Vancouver, A voyage of discovery to the North Pacific ocean, and round the world, Londres, G.G. & J. Robinson, and J. Edwards, 1798 (lire en ligne)

Liens externes

• (en) « Convict Ships to NSW 1788-1800 »
• (en) « Convict Ship Matilda 1791 », sur Free Settler or Felon?